«ﺷﯩﻨﺠﺎڭ ﻗﺎﻧﯘﻧﭽﯩﻠﯩﻖ ﮔﯧﺰﯨﺘﻰ» ﻣﯘﺧﺒﯩﺮى ﺑﺎﮬﺎۋۇدۇن ﻛﯧﺮەم  
دﯨﻴﺎرﯨﻤﯩﺰ ﺋﯩﻘﺘﯩﺴﺎدﯨﻨﯩﯔ ﺋﯜزﻟﯜﻛﺴﯩﺰ ﺗﻪرەﻗﻘﯩﻲﻗﯩﻠﯩﺸﻰ ﻧﻪﺗﯩﺠﯩﺴﯩﺪە ﻳﯧﻘﯩﻨﻘﻰ ﺋﻮن ﻧﻪﭼﭽﻪ ﻳﯩﻠﺪﯨﻦ ﺑﯧﺮى ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻤﯩﺰ ﻳﻮﻗﻠﯘﻗﺘﯩﻦ ﺑﺎرﻟﯩﻘﻘﺎ ﻛﯧﻠﯩﭗ، ﻛﯩﭽﯩﻜﻠﯩﻜﺘﯩﻦ ﭼﻮﯕﻠﯘﻗﻘﺎ، ﺋﺎﺟﯩﺰﻟﯩﻘﺘﯩﻦ ﻛﯜﭼﯩﻴﯩﺸﻜﻪﺑﺎﺷﻠﯩﺪى. ﺑﺎزار - رەﮬﯩﻤﺴﯩﺰ. ﺑﺎرﻟﯩﻘﻘﺎ ﻛﯧﻠﯩﺶ، ﺗﻪرەﻗﻘﯩﻲﻗﯩﻠﯩﺶ ﺟﻪرﻳﺎﻧﻰ ﻛﻪﺳﻜﯩﻦ ﺑﺎزار رﯨﻘﺎﺑﯩﺘﻰ، ﺷﺎﻟلاش ۋە ﺗﺎﻟلاﺷﺘﯩﻦ ﻗﯧﭽﯩﭗ ﻗﯘﺗﯘلاﻟﻤﺎﻳﺪۇ، ﺋﻪﻟﯟەﺗﺘﻪ. ﻣﺎﻧﺎ ﻣﯘﺷﯘﻧﺪاق رﯨﻘﺎﺑﻪت ﺋﯩﭽﯩﺪە ﺑﺎﺷﻘﯘرۇﻟﯘش ﺗﯜزۈﻟﻤﯩﺴﻰ ﻣﯘﻛﻪﻣﻤﻪل ﺑﻮﻟﻤﯩﻐﺎن، ﺗﻪﺟﺮﯨﺒﯩﺴﯩﺰ ﺑﺎﺷﻘﯘرﻏﯘﭼﯩلار ﺋﯩﻠﻜﯩﺪﯨﻜﻰ ﻛﺎرﺧﺎﻧﯩلارﻧﯩﯔ ﺷﺎﻟﻠﯩﻨﯩﭗ ﻛﯧﺘﯩﺸﻰ ﻣﯘﻗﻪررەر. ﻳﯧﻘﯩﻨﻘﻰ ﺋﯩﺸﻪﻧﭽﻠﯩﻚ ﻣﺎﺗﯩﺮﯨﻴﺎﻟلاردا ﻛﯚرﺳﯩﺘﯩﻠﯩﺸﯩﭽﻪ، ﺋﯧﻠﯩﻤﯩﺰدﯨﻜﻰ ﻛﺎرﺧﺎﻧﯩلارﻧﯩﯔ ﺋﻮﺗﺘﯘرﯨﭽﻪ ﺋﯚﻣﯜرى 2.5 ﻳﺎش ﺋﯩﻜﻪن. رﯨﻘﺎﺑﻪت ﺋﺎﺧﯩﺮﻗﻰ ﮬﯧﺴﺎﺑﺘﺎ ﺋﻪڭ ﻳﺎﺧﺸﯩﺴﯩﻨﻰ ﺗﺎﻟلاﻳﺪۇ. ﺋﻪﻟﯟەﺗﺘﻪ، ﺑﯘ ﺟﻪرﻳﺎﻧﺪا راﻳﻮﻧﯩﻤﯩﺰ ﻣﯩﻠﻠﯩﻲ ﻛﺎرﺧﺎﻧﯩﻠﯩﺮى ﺋﯩﭽﯩﺪﯨﻤﯘ «ﺋﯩﺨلاس»، «ﺋﺎرﻣﺎن»، «ﺋﺎﻣﯩﻨﻪ»، «ﮔﯜﻟﻴﯜرەك» ﻛﻪ ﺋﻮﺧﺸﺎش ﺑﯩﺮ ﻗﯩﺴﯩﻢ «ﺳﻪرﻛﻪ» ﻛﺎرﺧﺎﻧﯩلار ﻳﯧﺘﯩﺸﯩﭗ ﭼﯩﻘﺘﻰ. ﺑﻪﻟﻜﯩﻢ ﺑﯘ ﻛﺎرﺧﺎﻧﯩلارﻧﯩﯔ ﺑﺎﺷﻘﯘرۇﻟﯘش ﺗﯜزۈﻟﻤﯩﺴﻰ، ﺑﺎﺷﻘﯘرﻏﯘﭼﯩلارﻧﯩﯔ ﺋﯩﮕﯩﻠﯩﻚ ﻳﺎرﯨﺘﯩﺶ ﺋﻪﻧﺪﯨﺰﯨﻠﯩﺮﯨﮕﻪ ﻧﯘرﻏﯘن ﺋﻮﻗﯘرﻣﻪﻧﻠﯩﺮﯨﻤﯩﺰ ﻗﯩﺰﯨﻘﯩﯟاﺗﻘﺎن ﺑﻮﻟﯘﺷﻰ ﻣﯘﻣﻜﯩﻦ. ﺷﯘﻣﯘﻧﺎﺳﯩﯟەت ﺑﯩﻠﻪن 17- ﻣﺎي ﭼﯜﺷﺘﯩﻦ ﻛﯧﻴﯩﻦ ﺷﯩﻨﺠﺎڭ «ﺋﯩﺨلاس» ﻛﻪﺳﭙﯩﻲ ﺗﻪرەﻗﻘﯩﻴﺎت ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺑﺎش دﯨﺮﯦﻜﺘﻮرى روزاﺧﯘن ﺋﺎﺗﯘﺷﻨﻰ زﯨﻴﺎرەت ﻗﯩﻠﺪﯨﻢ.

   
«ﺋﯩﮕﯩﻠﯩﻚ ﻳﺎرﯨﺘﯩﺸﺘﺎ ﺟﺎﭘﺎﻏﺎ ﭼﯩﺪاش روﮬﯩﻲﮬﻪﻣﻤﯩﺪﯨﻦ ﻣﯘﮬﯩﻢ»   

روزاﺧﯘن ﺋﺎﺗﯘش ﻣﯧﻨﯩﯔ ﺋﯩﮕﯩﻠﯩﻚ ﻳﺎرﯨﺘﯩﺶ ﻳﻮﻟﯩﻐﺎ ﻣﺎﯕﻐﯘﭼﯩﻨﯩﯔ ﺋﻪﻣﻪل ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﭘﯩﺮﯨﻨﺴﯩﭙﻠﯩﺮى ﮬﻪﻗﻘﯩﺪە ﺳﻮرﯨﻐﺎن ﺳﯘﺋﺎﻟﯩﻤﻐﺎ ﻣﯘﻧﺪاق ﺟﺎۋاب ﺑﻪردى:  
-- ﻣﯧﻨﯩﯖﭽﻪ ﺋﯩﮕﯩﻠﯩﻚ ﻳﺎراﺗﻘﯘﭼﯩﺪا ﺋﺎﻟﺪى ﺑﯩﻠﻪن ﺟﺎﭘﺎدﯨﻦ ﻗﻮرۇﻗﻤﺎﺳﻠﯩﻖ روﮬﯩﻲ ﺑﻮﻟﯘﺷﻰ ﻛﯧﺮەك. ﺗﯜرﻛﯩﻴﻪ «ﺋﯜﻟﻜﻪر» ﮔﯘرۇﮬﯩﻨﯩﯔ ﻗﯘرﻏﯘﭼﯩﺴﻰ ﺳﻪﺑﺮى ﺋﯜﻟﻜﻪرﻧﻰ ﻣﯩﺴﺎﻟﻐﺎ ﺋﺎﻟﯩﺪﯨﻐﺎن ﺑﻮﻟﺴﺎق، ﺋﯘ ﻛﯩﺸﻰ ﺑﯘ ﻳﯩﻞ 86ﻳﺎﺷﻘﺎ ﻛﯩﺮﯨﭙﺘﯘ. 70ﻳﺎﺷﻘﺎ ﻛﯩﺮﮔﯜﭼﻪ ﻛﯜﻧﯩﮕﻪ 17 ﺳﺎﺋﻪﺗﺘﯩﻦ ﺋﯩﺸﻠﯩﮕﻪﻧﯩﻜﻪن. ﺋﯘ ﺑﯩﺮ ﻣﺎﻗﺎﻟﯩﺴﯩﺪە «ﻣﻪن ﻳﻪﻛﺸﻪﻧﺒﻪ ﻛﯜﻧﯩﺪﯨﻦ ﺑﺎﺷﻘﺎ ﻛﯜﻧﺪە دەم ﺋﯧﻠﯩﺶ ﻛﯜﻧﯩﻨﯩﯔ ﺑﺎرﻟﯩﻘﯩﻨﻰ ﺑﯩﻠﻤﯩﮕﻪن» دەپ ﻳﯧﺰﯨﭙﺘﯘ. دﯦﮕﻪﻧﺪەك ﺋﯘ ﺗﺎﻛﻰ 80 ﻳﯧﺸﯩﻐﯩﭽﻪ ﻛﯜﻧﯩﮕﻪ 12ﺳﺎﺋﻪﺗﺘﯩﻦ ﺋﯚز ﻗﺎرﯨﻤﯩﻘﯩﺪﯨﻜﻰ زاۋۇﺗﻠﯩﺮﯨﻐﺎ ﺑﯧﺮﯨﭗ، ﺋﯩﺸﭽﯩلار ﺑﯩﻠﻪن ﺑﯩﺮﮔﻪ ﺋﯩﺸﻠﯩﮕﻪﻧﯩﻜﻪن. ﺋﯘﻧﯩﯖﺪﯨﻦ ﺑﺎﺷﻘﺎ ﻧﯘرﻏﯘﻧﻠﯩﻐﺎن ﺋﯘﺗﯘق ﻗﺎزاﻧﻐﺎن ﻛﺎرﺧﺎﻧﯩﭽﯩلارﻧﯩﯔ ﺗﺎرﯨﺨﯩﻐﺎ ﻧﻪزەر ﺳﺎﻟﯩﺪﯨﻐﺎن ﺑﻮﻟﺴﺎق، ﺋﯘلارﻧﯩﯔ ﺋﯩﮕﯩﻠﯩﻚ ﺗﯩﻜﻠﻪش ﻣﯘﺳﺎﭘﯩﺴﻰ ﺟﺎﭘﺎدﯨﻦ ﻗﻮرۇﻗﻤﺎﺳﻠﯩﻖ روﮬﯩﻲ ﺑﯩﻠﻪن ﻣﯘﺟﻪﺳﺴﻪﻣﻠﻪﺷﻜﻪن، ﺋﻪﻟﯟەﺗﺘﻪ.

  
ﻳﻪﻧﻪ ﺑﯩﺮى، ﺋﯩﮕﯩﻠﯩﻚﻳﺎراﺗﻘﯘﭼﻰ ﺗﯜرﻟﯜك ﺋﯩﺸلاردا دۇرۇس ﺑﻮﻟﯘﺷﻰ ﻛﯧﺮەك.

ﭼﯜﻧﻜﻰ ﻛﺎرﺧﺎﻧﯩﭽﻰ ﺗﯩﺠﺎرەﺗﺘﻪ دۇرۇس، ﺳﻪﻣﯩﻤﯩﻲ ﺑﻮﻟﻤﯩﻐﺎﻧﺪا، ﺋﯩﺸﻠﯩﺮى ﮬﺎﻣﺎﻧﻰ ﺑﻪرﺑﺎت ﺑﻮﻟﯩﺪۇ.

ﺋﯜﭼﯩﻨﭽﯩﺪﯨﻦ، ﺋﯩﮕﯩﻠﯩﻚ ﻳﺎراﺗﻘﯘﭼﯩﺪا ﺗﻪۋەﻛﻜﯘﻟﭽﯩﻠﯩﻚ روﮬﯩﻲ ۋە ﻳﯧﺘﻪرﻟﯩﻚ ﺋﯩﻘﺘﯩﺴﺎدﯨﻲ ﺋﺎﺳﺎس ﺑﻮﻟﯘﺷﻰ ﻛﯧﺮەك.

ﭼﯜﻧﻜﻰ ﺑﯘ ﺋﯩﻜﻜﻰ ﺋﺎﻣﯩﻞ ﺑﯩﺮ - ﺑﯩﺮﯨﮕﻪ ﭼﻪﻣﺒﻪرﭼﺎس ﺑﺎﻏلاﻧﻐﺎن. ﺑﯘ ﺧﯩﻞ ﺋﺎﻣﯩﻠلار ﺑﻮﻟﻤﯩﻐﺎن ﻛﺎرﺧﺎﻧﯩﭽﻰ ﮬﻪرﮔﯩﺰﻣﯘ رﯨﻘﺎﺑﻪت ﻳﻮﻟﯩﻐﺎ ﻛﯩﺮەﻟﻤﻪﻳﺪۇ. 

ﺗﯚﺗﯩﻨﭽﯩﺪﯨﻦ، ﺋﯩﮕﯩﻠﯩﻚ ﻳﺎراﺗﻘﯘﭼﻰ ﺋﯚزﯨﮕﻪ ﺧﺎس ﺋﯘﺳﻠﯘب ۋە ﻳﻮل ﻳﺎرﯨﺘﯩﺸﻰ ﻛﯧﺮەك.

ﭼﯜﻧﻜﻰ ﺋﯘﺗﯘق ﻗﺎزاﻧﻐﺎن ﺑﯩﺮ ﻛﺎرﺧﺎﻧﯩﭽﻰ ﺑﻮﻟﯘش ﺋﯜﭼﯜن، ﺋﯚزﯨﮕﻪ ﺧﺎس ﺑﺎﺷﻘﯘرۇش ﺋﻪﻧﺪﯨﺰﯨﺴﯩﻨﯩﯔ ﺑﻮﻟﯘﺷﻰ ﺋﯩﻨﺘﺎﻳﯩﻦ ﻣﯘﮬﯩﻢ.

ﺑﻪﺷﯩﻨﭽﯩﺪﯨﻦ، ﺗﯜرﻟﯜك ﻗﯩﻴﯩﻨﭽﯩﻠﯩﻖ ۋە ﻣﻪﻏﻠﯘﺑﯩﻴﻪﺗﻠﻪرﮔﻪ ﺗﻮﻏﺮا ﻗﺎرﯨﺸﻰ، ﺗﻮﻏﺮا رﯨﻘﺎﺑﻪت ﺋﯧﯖﻰ ﺑﻮﻟﯘﺷﻰ، ﺑﻪل ﻗﻮﻳﯘۋەﺗﻤﻪي ﺋﺎﻟﻐﺎﺋﯩﻠﮕﯩﺮﻟﻪش روﮬﯩﻨﻰ ﻳﯧﺘﯩﻠﺪۈرۈﺷﻰ ﻛﯧﺮەك. ﺷﯘﻧﺪﯨلا ﻛﺎرﺧﺎﻧﯩﭽﯩﻠﯩﺮﯨﻤﯩﺰ ﮬﺎزﯨﺮﻗﯩﺪەك ﻛﻪﺳﻜﯩﻦ ﺑﺎزار رﯨﻘﺎﺑﯩﺘﯩﺪە ﭘﯘت ﺗﯩﺮەپ ﺗﯘرالاﻳﺪۇ، ﮬﻪﻣﺪە ﺗﯧﻨﯩﻤﺴﯩﺰ ﺋﺎﻟﻐﺎﺋﯩﻠﮕﯩﺮﻟﯩﻴﻪﻟﻪﻳﺪۇ.

ﺋﯩﺸﭽﻰ - ﺧﯩﺰﻣﻪﺗﭽﯩﻠﻪرﻧﯩﯔ ﺋﺎﻛﺘﯩﭙﭽﺎﻧﻠﯩﻘﯩﻨﻰﻗﺎﻧﺪاق ﻗﻮزﻏﺎش ﻛﯧﺮەك؟

دﯨﻴﺎرﯨﻤﯩﺰدﯨﻜﻰ ﻛﺎرﺧﺎﻧﯩﭽﯩلار ﺑﯩﻠﻪن ﻛﯚپ ﻗﯧﺘﯩﻢ ﮬﻪﻣﺴﯚﮬﺒﻪت ﺑﻮﻟﯘش داۋاﻣﯩﺪا ﺷﯘﻧﻰ ﭼﻮﯕﻘﯘر ﮬﯧﺲ ﻗﯩﻠﺪﯨﻤﻜﻰ ﺋﯩﺸﭽﻰ - ﺧﯩﺰﻣﻪﺗﭽﯩﻠﻪرﻧﯩﯔ ﺧﯩﺰﻣﻪﺗﺘﯩﻜﻰ ﺳﯘﺳﻠﯩﻘﻰ، ﺋﯩﺶ ﺋﯜﻧﯜﻣﯩﻨﯩﯔ ﺗﯚۋەﻧﻠﯩﻜﻰ، ۋاﻗﺘﻰ ﻛﻪﻟﮕﻪﻧﺪە ﮔﻪپ - ﺳﯚزﺳﯩﺰلا ﺋﯩﺸﻨﻰ ﺗﺎﺷلاپ ﻛﯧﺘﯩﭗ ﻗﯩﻠﯩﺸﻰ ﻗﺎﺗﺎرﻟﯩﻘلار ﮬﺎزﯨﺮﻗﻰ ﻛﺎرﺧﺎﻧﺎ ﺋﯩﮕﯩﻠﯩﺮﯨﻨﯩﯔ ﺑﯧﺸﯩﻨﻰ ﻗﺎﺗﯘرۇۋاﺗﻘﺎن ﻣﯘﮬﯩﻢ ﻣﻪﺳﯩﻠﻪ ﺋﯩﻜﻪن. ﺋﯘﻧﺪاﻗﺘﺎ ﻗﺎﻧﺪاق ﻗﯩﻠﻐﺎﻧﺪا ﺋﯘلارﻧﯩﯔ ﺋﺎﻛﺘﯩﭙﭽﺎﻧﻠﯩﻘﯩﻨﻰ ﻗﻮزﻏﺎپ، ﺋﯩﺶ ﺋﯜﻧﯜﻣﯩﻨﻰ ﻳﯘﻗﯩﺮى ﻛﯚﺗﯜرﮔﯩﻠﻰ ﺑﻮﻟﯩﺪۇ. ﺑﯘ ﻣﻪﺳﯩﻠﯩﮕﻪ ﻗﺎرﯨﺘﺎ روزاﺧﯘن ﺋﺎﺗﯘش ﻣﯘﻧﺪاق دﯦﺪى:

  ﺑﯘ ﻧﯚۋەﺗﺘﻪ ﮬﻪﻣﻤﻪ ﻛﺎرﺧﺎﻧﯩﭽﯩلار دۇچ ﻛﯧﻠﯩﯟاﺗﻘﺎن رﯦﺌﺎل ﻣﻪﺳﯩﻠﻪ. ﮬﺎزﯨﺮ ﮬﯚﻛﯜﻣﻪﺗﻨﯩﯔ ﺑﯘرۇﻧﻘﯩﺪەك ﺑﯩﺮ ﺗﯘﺗﺎش ﺋﯩﺸﻘﺎ ﺋﻮرۇﻧلاﺷﺘﯘرۇش ﺋﯩﺸﻠﯩﺮى ﻳﻮﻗﺎﻟﻐﺎﻧﺪﯨﻦ ﻛﯧﻴﯩﻦ، ﺷﯩﺮﻛﻪﺗﻠﻪردﯨﻦ ﺋﯩﺶ ﺋﻮرﻧﻰ ﺋﯩﺰدەﻳﺪﯨﻐﺎن ﺳﯩﺘﻮدﯦﻨﺘﻠﯩﺮﯨﻤﯩﺰﻣﯘ ﻛﯚﭘﯩﻴﯩﯟاﺗﯩﺪۇ. ﺑﯩﺮاق ﺋﯘلار ﺷﯩﺮﻛﻪﺗﻠﻪرﻧﻰ «ﺷﻪﺧﺴﯩﻲ ﺋﻮرۇن، ﺧﯘﺟﺎﻳﯩﻦ ﻣﯧﻨﻰ ﺑﯩﺮ ﺗﯩﻠلاﭘلا ﮬﻪﻳﺪﯨﯟﯦﺘﻪﻟﻪﻳﺪۇ» دەپ ﻗﺎراپ، ﺧﯩﺰﻣﻪﺗﺘﻪ ﺋﺎﻛﺘﯩﭗ ﺑﻮﻟﻤﺎﻳﺪﯨﻐﺎن، ﺋﺎﻛﺘﯩﭗ ﺋﯩﺸﻠﯩﮕﻪﻧﻠﯩﺮﯨﻤﯘ، ﺋﺎز - ﺗﯘلا ﺗﻪﺟﺮﯨﺒﻪ، ﻳﻮل ﺗﯧﭙﯩﯟاﻟﻐﺎﻧﺪﯨﻦ ﻛﯧﻴﯩﻨلا، ﺋﯚز ﺋﺎﻟﺪﯨﻐﺎ ﺋﯩﮕﯩﻠﯩﻚ ﺗﯩﻜﻠﯩﮕﯜﺳﻰ ﻛﯧﻠﯩﭗ، ﻛﯧﺘﯩﭗ ﻗﺎﻟﯩﺪﯨﻐﺎن ﺋﯩﺸلار ﻣﻪۋﺟﯘت. ﺋﯘلارﻧﯩﯔ ﺑﻪزﯨﻠﯩﺮى ﻳﻪﻧﻪ ۋاﻗﯩﺘﻠﯩﻖ ﭼﯩﻘﯩﺶ ﻳﻮﻟﻰ ﺗﺎﭘﺎﻟﻤﺎﻳلا ﻛﯧﻠﯩﭗ ﻗﺎﻟﻐﺎﻧلار، ﺋﯘلار ﮬﻪرﮔﯩﺰﻣﯘ «ﻳﺎﺧﺸﻰ ﺋﯩﺸﻠﻪي، ﺋﻪﮔﻪر ﺑﻪﺧﺘﻜﻪ ﻗﺎرﺷﻰ ﺧﯘﺟﺎﻳﯩﻨﯩﻢ ﻗﻪدرﯨﻤﻨﻰ ﻗﯩﻠﻤﺎي ﺑﯘ ﻳﻪردﯨﻦ ﻛﯧﺘﯩﭗ ﻗﺎﻟﺴﺎم، ﺋﯧﺮﯨﺸﻜﻪن ﺗﻪﺟﺮﯨﺒﯩﻠﯩﺮﯨﻢ ﺑﯩﻠﻪن ﺗﯧﺨﯩﻤﯘ ﻳﺎﺧﺸﻰ ﺧﯩﺰﻣﻪﺗﻠﻪرﻧﻰ ﺗﺎﭘﺎلاﻳﻤﻪن» دﯦﮕﻪﻧﻨﻰ ﺋﻮﻳﻠﯩﻤﺎﻳﺪۇ. «ﺋﯜﻟﻜﻪر» ﮔﯘرۇﮬﯩﻨﯩﯔ ﻧﯘرﻏﯘن ﺧﯩﺰﻣﻪﺗﭽﯩﻠﯩﺮى ﺑﯩﻠﻪن ﭘﺎراﯕﻠﯩﺸﯩﭗ ﺑﺎﻗﺘﯩﻢ، ﺋﯘلارﻧﯩﯔ ﺋﯩﭽﯩﺪە «ﺋﯜﻟﻜﻪر»دە ﺑﯩﺮﺋﯚﻣﯜر ﺟﺎن ﺗﯩﻜﯩﭗ ﺋﯩﺸﻠﯩﮕﻪﻧﻠﻪر ﺑﺎر، ﺑﯩﺮاق ﺑﯩﺰدﯨﻜﻰ ﺧﯩﺰﻣﻪﺗﭽﯩﻠﻪردﯨﻦ ﻛﺎرﺧﺎﻧﯩﻠﯩﻤﯩﺰدا ﺑﯩﺮ ﺋﯚﻣﯜر ﺋﯩﺸﻠﻪﺷﻨﻰ ﺧﯩﻴﺎل ﻗﯩﻠﯩﺪﯨﻐﺎﻧلا ﻳﻮق دﯨﻴﻪرﻟﯩﻚ.

ﺑﯩﺰ ﻛﺎرﺧﺎﻧﯩﭽﯩلار ۋە ﺧﯩﺰﻣﻪﺗﭽﯩﻠﻪر ﺑﯩﻠﻪن ﺑﯘ ﻣﻪﺳﯩﻠﻪ ﺗﻮﻏﺮﯨﺴﯩﺪا ﻧﯘرﻏﯘن ﭘﯩﻜﯩﺮ ﺋﺎﻟﻤﺎﺷﺘﯘردۇق. ﺋﺎﺧﯩﺮﻗﻰ ﻳﻪﻛﯜﻧﺪە، ﮬﺎزﯨﺮﻗﻰ ۋەزﯨﻴﻪﺗﺘﻪ ﻣﺎل ﺑﺎﮬﺎﺳﻰ ﺋﯚرﻟﯩﺪى، ﺷﯘﯕﺎ ﻛﺎرﺧﺎﻧﯩلارﻣﯘ ﺑﯘﻧﯩﯖﻐﺎ ﻣﺎس ﮬﺎﻟﺪا ﻣﺎﺋﺎش ﺋﯚﺳﺘﯜرۈﺷﻰ، ﺋﯩﺸﭽﻰ - ﺧﯩﺰﻣﻪﺗﭽﯩﻠﻪرﻧﯩﯔ ﻛﯧﻴﯩﻨﻜﻰ ﺗﯘرﻣﯘﺷﻰ ۋە ﭘﺎراۋاﻧﻠﯩﻖﺋﯩﺸﻠﯩﺮﯨﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺸﻰ، ﻣﯘﻛﺎﭘﺎﺗلاش ﺗﯜزۈﻣﻠﯩﺮﯨﻨﻰ ﺑﯧﻜﯩﺘﯩﺸﻰ، ﮬﯧﻴﺖ - ﺑﺎﻳﺮام ۋە دەم ﺋﯧﻠﯩﺶ ﻛﯜﻧﻠﯩﺮﯨﻨﻰ ﻳﺎﺧﺸﻰ ﺋﻮرۇﻧلاﺷﺘﯘرۇﺷﻰ، ﺧﯩﺰﻣﻪﺗﺘﻪ ﺋﯘلارﻧﯩﯔ زﯨﺘﯩﻐﺎ ﺗﯧﮕﯩﺪﯨﻐﺎن، ﮬﺎﻗﺎرەت ﺧﺎراﻛﺘﯧﺮدﯨﻜﻰ ﮔﻪپ - ﺳﯚزﻟﻪردﯨﻦ ﻗﺎﺗﺘﯩﻖ ﺳﺎﻗﻠﯩﻨﯩﺸﻰ، ﺧﯩﺰﻣﻪﺗﭽﯩﻠﻪرﻧﯩﯔ ﺋﯩﺰزەت - ﺋﺎﺑﺮۇﻳﯩﻨﻰ ﻗﻮﻏﺪﯨﺸﻰ ﻛﯧﺮەك، ﺷﯘﻧﺪﯨلا ﺋﯩﺸﭽﻰ - ﺧﯩﺰﻣﻪﺗﭽﯩﻠﻪرﻧﯩﯔ ﺧﯩﺰﻣﻪﺗﺘﯩﻜﻰﺋﺎﻛﺘﯩﭙﭽﺎﻧﻠﯩﻘﻰ ۋە ﺳﻪﻣﯩﻤﯩﻴﯩﺘﯩﻨﻰ ﺋﺎﺷﯘرﻏﯩﻠﻰﺑﻮﻟﯩﺪۇ، دﯦﮕﻪن ﺋﻮرﺗﺎق ﻗﺎراﺷﻘﺎ ﻛﻪﻟﺪۇق ۋە ﺑﯘﻧﻰ ﺷﯩﺮﻛﯩﺘﯩﻤﯩﺰدە ﺋﻪﻣﻪﻟﯩﻴﻠﻪﺷﺘﯜرۈپ ﻣﯘﺋﻪﻳﻴﻪن ﺋﯜﻧﯜﻣﮕﻪ ﺋﯧﺮﯨﺸﺘﯘق. ­

ﺋﺎﺋﯩﻠﯩﯟﯨﻲ ﻛﺎرﺧﺎﻧﺎ ﺷﻪﻛﻠﯩﺪﯨﻦ زاﻣﺎﻧﯩﯟﯨﻲ ﺷﯩﺮﻛﻪﺗﻜﻪ ﺗﻪرەﻗﻘﯩﻲ ﻗﯩﻠﯩﺶ ﻳﻮﻟﻰ

دﯨﻴﺎرﯨﻤﯩﺰدﯨﻜﻰ ﻣﯩﻠﻠﯩﻲ ﻛﺎرﺧﺎﻧﯩلارﻏﺎ ﻧﻪزەر ﺋﺎﻏﺪۇرﯨﺪﯨﻐﺎن ﺑﻮﻟﺴﺎق، دەﺳﻠﻪﭘﺘﻪ ﺋﯘلارﻧﯩﯔ ﺗﻪرەﻗﻘﯩﻴﺎﺗﻰ ﮬﻪﻣﻤﯩﺴﯩلا ﺋﺎﺋﯩﻠﯩﯟﯨﻲ ﻛﺎرﺧﺎﻧﺎ ﺷﻪﻛﻠﯩﺪﯨﻦ ﺑﺎﺷلاﻧﻐﺎن. ﻛﯧﻴﯩﻨﭽﻪ ﺷﯩﺮﻛﻪت ﺋﯩﻘﺘﯩﺴﺎدﯨﻲ ۋە ﺑﺎﺷﻘﯘرۇش ﺗﯜزۈﻣﻠﯩﺮﯨﻨﯩﯔ ﻗﯩﻠﯩﭙﻠﯩﺸﯩﺸﻰ ﻧﻪﺗﯩﺠﯩﺴﯩﺪە، ﺑﯩﺮﻗﻪدەر زاﻣﺎﻧﯩﯟﯨﻲ ﺷﯩﺮﻛﻪت ﻗﯘرۇش ﻳﻮﻟﯩﻐﺎ ﻣﺎﯕﻐﺎن. ﻣﻪن روزاﺧﯘن ﺋﺎﺗﯘﺷﺘﯩﻦ «ﺋﯩﺨلاس» ﺷﯩﺮﻛﯩﺘﯩﻨﯩﯔ ﺑﯘ ﻣﯘﺳﺎﭘﯩﻨﻰ ﻗﺎﻧﺪاق ﺑﺎﺳﻘﺎﻧﻠﯩﻘﻰﺗﻮﻏﺮﯨﺴﯩﺪا ﺳﻮرﯨﻐﯩﻨﯩﻤﺪا، ﺋﯘ ﻣﯘﻧﺪاق دﯦﺪى:

  ﺋﯧﻴﺘﻘﯩﻨﯩﯖﯩﺰدەك ﺷﯩﺮﻛﯩﺘﯩﻤﯩﺰ 2001- ﻳﯩﻠﻰ ﺗﺎﻟلا ﺑﺎزﯨﺮﯨﻨﻰ ﺋﺎﺳﺎس ﻗﯩﻠﯩﭗ ﻗﯘرۇﻟﻐﺎن دەﺳﻠﻪﭘﻜﻰ ﻣﻪزﮔﯩﻠﻠﻪردە ﺗﯩﭙﯩﻚ ﺋﺎﺋﯩﻠﯩﯟﯨﻲ ﺷﯩﺮﻛﻪت ﺋﯩﺪى. ﺋﯘ ۋاﻗﯩﺘلاردا ﺧﯩﺰﻣﻪﺗﭽﯩﻠﯩﺮﯨﻤﯩﺰﻣﯘ ﻛﯚپ ﺋﻪﻣﻪس، ﺑﺎﺷﻘﯘرۇش ﮬﺎﻟﻘﯩﻠﯩﺮﯨﻤﯩﺰﻣﯘ ﺋﺎددﯨﻲ، ﮬﻪﻣﻤﻪ ﺋﯩﺸلارﻏﺎ ﺋﯚزﯨﻤﯩﺰلا ﭼﺎﭘﺎﺗﺘﯘق. ﻛﯧﻴﯩﻨﭽﻪ ﭼﻪﺗﺌﻪﻟﻠﻪر ﺑﯩﻠﻪن ﺳﻮدا ﮬﻪﻣﻜﺎرﻟﯩﻘﯩﺪا ﺑﻮﻟﺪۇق، ﺋﯘلارﻧﯩﯔ ﺋﯩﻠﻐﺎر ﺑﺎﺷﻘﯘرۇش ﺋﻪﻧﺪﯨﺰﯨﻠﯩﺮﯨﻨﻰ ﺋﯜﮔﻪﻧﺪۇق، ﻗﻮﺑﯘل ﻗﯩﻠﺪۇق. ﻧﯚۋەﺗﺘﻪ ﺷﯩﺮﻛﯩﺘﯩﻤﯩﺰ ﭘﻪﻟﻪﻣﭙﻪي ﺷﻪﻛﯩﻠﻠﯩﻚ ﺑﺎﺷﻘﯘرۇش ﺗﯜزۈﻟﻤﯩﺴﻰ ﺋﻮرﻧﯩﺘﯩﭗ، ﺗﯜرﻟﯜك ﮬﺎﻟﻘﯩلار ﻗﯩﻠﯩﭙلاﺷﺘﻰ، ﻣﯘﻛﻪﻣﻤﻪﻟﻠﻪﺷﺘﻰ. ﮬﻪر ﻗﺎﻳﺴﻰﺑﯚﻟﯜﻣﻠﻪرﻧﯩﯔ ﺋﯚز ﺋﺎﻟﺪﯨﻐﺎ ﻣﻪﺳﺌﯘﻟﻠﯩﺮى ﺋﻮرﻧﯩﺘﯩﻠﯩﭗ، ۋەزﯨﭙﯩﻠﻪر ﻗﺎﺗلاﻣﻤﯘ ﻗﺎﺗلام ﺗﻪﻗﺴﯩﻢ ﻗﯩﻠﯩﻨﺪى.

دۆﻟﻪت ﺋﯩﭽﻰ ۋە ﺧﻪﻟﻘﺌﺎراﻏﺎ ﻧﻪزەر ﺳﺎﻟﯩﺪﯨﻐﺎن ﺑﻮﻟﺴﺎق، ﻧﯘرﻏﯘن داﯕﻠﯩﻖ ﺷﯩﺮﻛﻪﺗﻠﻪر ﺋﺎﺋﯩﻠﯩﯟﯨﻲ ﺷﯩﺮﻛﻪﺗﻠﻪردﯨﻦ ﺗﻪرەﻗﻘﯩﻲ ﻗﯩﻠﯩﭗ، دۇﻧﻴﺎۋﯨﻲ ﺷﯩﺮﻛﻪﺗﻠﻪرﮔﻪ ﺋﺎﻳلاﻧﻐﺎن، ﺷﯘﯕﺎ ﺑﯘ ﻳﻮﻟﻨﻰ ﮬﻪرﮔﯩﺰﻣﯘ ﺧﺎﺗﺎ دﯦﮕﯩﻠﻰﺑﻮﻟﻤﺎﻳﺪۇ، ﻣﯘﮬﯩﻤﻰ ﺷﯩﺮﻛﻪﺗﻨﻰ ﺋﯩﻠﻐﺎر ﺑﺎﺷﻘﯘرۇش ﺋﻮﺳﯘﻟﻠﯩﺮى ﺑﯩﻠﻪن ﺗﯧﺨﯩﻤﯘ ﻳﯜﻛﺴﻪﻟﺪۈرۈپ، دۇﻧﻴﺎۋﯨﻲ ﺋﯘﺗﯘق ﻗﺎزاﻧﻐﺎن ﺷﯩﺮﻛﻪﺗﻠﻪر ﻗﺎﺗﺎرﯨﻐﺎ ﺗﻪرەﻗﻘﯩﻲ ﻗﯩﻠﺪۇرۇش.

دﯨﻴﺎرﯨﻤﯩﺰدﯨﻜﻰ ﻣﯩﻠﻠﯩﻲ ﻛﺎرﺧﺎﻧﯩلارﻧﻰ ﭼﻪﺗﺌﻪﻟﻠﻪردﯨﻜﻰ ﻛﺎرﺧﺎﻧﯩلار ﺑﯩﻠﻪن ﺳﯧﻠﯩﺸﺘﯘرﻏﯩﻨﯩﻤﯩﺰدا، ﺗﻪﺟﺮﯨﺒﻪ ۋە ﺑﺎﺷﻘﯘرۇش ﺗﯜزۈﻟﻤﯩﺴﻰﺟﻪﮬﻪﺗﺘﯩﻦ ﺑﯩﺮﻗﻪدەر ﺋﺎرﻗﯩﺪا ﺗﯘرﯨﺪۇ. ﺷﯘﻧﺪاﻗلا ﻳﻪﻧﻪﻳﯧﺘﯩﺸﻜﻪن ﻛﺎرﺧﺎﻧﺎ ﺑﺎﺷﻘﯘرۇش ﺧﺎدﯨﻤﻠﯩﺮﯨﻤﯩﺰﻣﯘ ﻳﯧﺘﻪرﺳﯩﺰ، ﺑﺎر دﯦﮕﻪﻧﺪﯨﻤﯘ، ﺋﯘلارﻧﻰ ﺋﯘزۇن ۋاﻗﯩﺖ ﺗﯘﺗﯘپ ﺗﯘرﻏﯩﻠﻰ ﺑﻮﻟﻤﺎﻳﺪۇ ﻳﺎﻛﻰ ﺷﻪﺧﯩﺴﻠﻪرﮔﻪ ﺋﯩﺸﻠﻪﺷﻨﻰ ﺧﺎﻟﯩﻤﺎﻳﺪۇ.

«ﺋﯜﻟﻜﻪر» ﮔﯘرۇﮬﯩﻨﯩﯔ ﻣﺎﯕﺎ ﺋﻪڭ ﺗﻪﺳﯩﺮﻗﯩﻠﻐﺎن ﻳﯧﺮى ﺋﯘلار ﺋﯩﺸﭽﻰ - ﺧﯩﺰﻣﻪﺗﭽﯩﻠﯩﺮﯨﻨﻰ ﻳﯩﻠﺪا ﺑﯩﺮ ﻗﯧﺘﯩﻢ ﺗﻪرﺑﯩﻴﻠﻪش ﺋﯧﻠﯩﭗ ﺑﺎرﯨﺪۇ. ﺧﯩﺰﻣﻪﺗﭽﯩﻠﯩﺮﯨﮕﻪ ۋەزﯨﭙﻪ داﺋﯩﺮﯨﺴﻰ ﺑﻪﻟﮕﯩﻠﻪپ ﺑﯧﺮﯨﭗ، ﻳﺎﺧﺸﻰ ﺋﯩﺸﻠﯩﮕﻪﻧﻠﯩﺮﯨﻨﻰ داۋاﻣﻠﯩﻖ ﺋﯧﻠﯩﭗ ﻗﺎﻟﯩﺪۇ، ﺋﯩﺸﻠﯩﻴﻪﻟﻤﯩﮕﻪﻧﻠﯩﺮﯨﻨﻰ ۋاﻗﺘﯩﺪا ﺷﺎﻟلاﻳﺪۇ. ﺷﯘﯕﺎ ﮬﺎزﯨﺮﻗﻰ ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻤﯩﺰﻣﯘ ﻳﯘﻗﯩﺮﯨﻘﯩﺪەك ﺧﻪﻟﻘﺌﺎراﻏﺎ ﻳﯜزﻟﻪﻧﮕﻪن دۇﻧﻴﺎۋﯨﻲ ﻛﺎرﺧﺎﻧﯩلارﻧﯩﯔ ﺋﯩﻠﻐﺎر ﺑﺎﺷﻘﯘرۇش ﺋﯘﺳﯘﻟﻠﯩﺮﯨﻨﻰ ﻗﻮﺑﯘل ﻗﯩﻠﯩﺸﻰ، ﺋﺎﺋﯩﻠﯩﯟﯨﻴﻠﯩﻜﺘﯩﻦ دۇﻧﻴﺎۋﯨﻴﻠﯩﺸﯩﺸﻘﺎﻗﺎراپ ﻳﯜزﻟﯩﻨﯩﺸﻰ ﻛﯧﺮەك.

ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻤﯩﺰ ﺗﻮﻏﺮﯨﺴﯩﺪا ﻗﯩﺴﻘﯩﭽﻪﺗﻪﮬﻠﯩﻞ

راﻳﻮﻧﯩﻤﯩﺰ ﺋﯩﻘﺘﯩﺴﺎدﯨﻲ ﻣﯘﮬﯩﺘﯩﻐﺎ ﺋﯜزﻟﯜﻛﺴﯩﺰﺗﯚﮬﭙﻪ ﻗﯘﺷﯘپ ﻛﯧﻠﯩﯟاﺗﻘﺎن ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻤﯩﺰﻧﯩﯔ ﺋﻪﻣﻪﻟﯩﻲ ﻛﯜﭼﻰ ۋە ﺗﻪرەﻗﻘﯩﻴﺎت ﺋﯩﺴﺘﯩﻘﺒﺎﻟﯩﻐﯩﻤﯘ ﺳﻪل ﻗﺎراﺷﻘﺎ ﺑﻮﻟﻤﺎﻳﺪۇ، ﺋﻪﻟﯟەﺗﺘﻪ. روزاﺧﯘن ﺋﺎﺗﯘش ﺑﯘ ﻣﻪﺳﯩﻠﻪ ﮬﻪﻗﻘﯩﺪە ﺗﻮﺧﺘﯩﻠﯩﭗ ﻣﯘﻧﺪاق دﯦﺪى:

  ﻳﯧﻘﯩﻨﻘﻰ ﺋﻮﻧﻨﻪﭼﭽﻪ ﻳﯩﻠﺪﯨﻦ ﺑﯧﺮى دﯨﻴﺎرﯨﻤﯩﺰدﯨﻤﯘ ﻣﯩﻠﻠﯩﻲ ﻛﺎرﺧﺎﻧﯩلار ﺑﻪس - ﺑﻪﺳﺘﻪ ﺑﺎش ﻛﯚﺗﯜرۈپ ﭼﯩﻘﯩﺸﻘﺎ ﺑﺎﺷﻠﯩﺪى. ﺑﻪزﯨﻠﯩﺮﯨﺪە ﮔﻪرﭼﻪ ﻳﯧﺮﯨﻢ ﻳﻮﻟﺪا ۋەﻳﺮان ﺑﻮﻟﯩﺪﯨﻐﺎن، ﺳﻪﭘﺘﯩﻦ ﭼﯜﺷﯜپ ﻗﺎﻟﯩﺪﯨﻐﺎن ﺋﻪﮬﯟاﻟلار ﻛﯚرۈﻟﯜپ ﺗﯘرﺳﯩﻤﯘ، ﺋﻮﻣﯘﻣﯩﻲ ﺟﻪﮬﻪﺗﺘﯩﻦ ﺋﺎﻟﻐﺎﻧﺪا، ﻳﯜزﻟﯩﻨﯩﺶ ۋە ﺗﻪرەﻗﻘﯩﻴﺎت ﻳﺎﺧﺸﻰ ﻛﯧﺘﯩﯟاﺗﯩﺪۇ. ﺷﯘﻧﺪاﻗلا راﻳﻮﻧﯩﻤﯩﺰ ﺋﯩﻘﺘﯩﺴﺎدﯨﺪﯨﻤﯘ ﺋﻮﻳﻨﯩﻐﺎن روﻟﻰ زور ﺑﻮﻟﻤﺎﻗﺘﺎ.

ﭼﻪﺗﺌﻪﻟﻠﻪردە ﻧﯘرﻏﯘن زﯨﻴﺎرەﺗﺘﻪ ﺑﻮﻟﯘش داۋاﻣﯩﺪا دﯨﻴﺎرﯨﻤﯩﺰ ﺳﺎﻧﺎﺋﯩﺘﯩﻨﯩﯔ ﻧﺎﮬﺎﻳﯩﺘﻰ ﺋﺎرﻗﯩﺪا ﻗﺎﻟﻐﺎﻧﻠﯩﻘﯩﻨﻰ ﮬﯧﺲ ﻗﯩﻠﺪﯨﻢ. ﻣﯧﻨﯩﯖﭽﻪ ﺑﯘ ﻳﻪردە ﻧﺎﮬﺎﻳﯩﺘﻰ ﭼﻮڭ ﺑﻮﺷﻠﯘق ﺑﺎر. ﺑﯩﺮاق ﮬﺎزﯨﺮﻗﻰ ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻤﯩﺰدا ﺋﺎﺳﺎﺳﻠﯩﻘﻰ ﻳﯧﻤﻪك - ﺋﯩﭽﻤﻪك ۋە ﮔﯩﺮﯨﻢ ﺑﯘﻳﯘﻣﻠﯩﺮﯨﻐﺎ ﻣﻪرﻛﻪزﻟﯩﺸﯩﯟﯦﻠﯩﺶ ﮬﺎدﯨﺴﯩﺴﻰ ﻣﻪۋﺟﯘت. ﺋﻪﺗﺮاﭘﯩﻤﯩﺰﻏﺎ ﻧﻪزەر ﺳﺎﻟﯩﺪﯨﻐﺎن ﺑﻮﻟﺴﺎق، ﺋﯘﻧﯩﯖﺴﯩﺰﻣﯘ ﺋﯧﭽﯩﺸﯩﻤﯩﺰﻧﻰ ۋە ﺗﻪرەﻗﻘﯩﻲ ﻗﯩﻠﺪۇرۇﺷﯩﻤﯩﺰﻧﻰ ﻛﯜﺗﯜپ ﺗﯘرۇۋاﺗﻘﺎن ﻧﯘرﻏﯘن ﺗﯜرﻟﻪر ﺑﺎر.

ﺋﯩﺸﻘﯩﻠﯩﭗ ﻗﺎﻳﺴﯩلا ﺋﯩﺸﻨﻰ ﻗﯩﻠﻤﺎﻳﻠﻰ، ﻣﯘﮬﯩﻤﻰ ﺳﻮدﯨﺪا ﺳﻪﻣﯩﻤﯩﻲ ﺑﻮﻟﯘپ، ﺋﯩﺴﺘﯧﻤﺎﻟﭽﯩلارﻧﻰ ﺋﺎﻟﺪﯨﻤﺎي، ﺋﯩﺸﻪﻧﭽﻠﯩﻚ ﻣﺎرﻛﺎ ﻳﺎرﯨﺘﯩﺶ ﻳﻮﻟﯩﺪا ﺋﯜزﻟﯜﻛﺴﯩﺰ ﺗﯩﺮﯨﺸﻘﺎﻧﺪﯨلا، ﺷﯘ ﺗﯩﺠﺎرەﺗﭽﻰ ﺋﺎﺧﯩﺮﻗﻰ ﮬﯧﺴﺎﺑﺘﺎ ﻏﻪﻟﺒﻪ ﻗﺎزاﻧﻐﯘﭼﯩﺪۇر.

ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻤﯩﺰدا ﺋﯚز - ﺋﺎرا ﺋﯩﺘﺘﯩﭙﺎﻗﻠﯩﺸﯩﺶ، ﭘﯩﻜﯩﺮ ﺋﺎﻟﻤﺎﺷﺘﯘرۇپ ﺗﯘرۇش، ﺳﻮدﯨﺪا ﮬﻪﻣﻜﺎرﻟﯩﺸﯩﺶ ﺑﯩﺮﻗﻪدەر ﻛﻪﻣﭽﯩﻞ. ﻛﻮﻧﯩلاردا »ﺑﯘﻏﺪاي ﻧﯧﻨﯩﯔ ﺑﻮﻟﻤﯩﺴﺎ ﺑﯘﻏﺪاي ﺳﯚزۈڭ ﻳﻮﻗﻤﯘ«دەﻳﺪﯨﻐﺎن ﮔﻪپ ﺑﺎر، ﺑﯩﺮ - ﺑﯩﺮﯨﻤﯩﺰﮔﻪ ﻣﺎددﯨﻲ ﺟﻪﮬﻪﺗﺘﯩﻦ ﻳﺎردەم ﻗﯩلاﻟﻤﯩﻐﺎن ﺗﻪﻗﺪﯨﺮدﯨﻤﯘ، ﻣﻪﻧﯩﯟﯨﻲ ﺟﻪﮬﻪﺗﺘﯩﻦ ﺋﯚز ﺋﺎرا ﻗﻮﻟﻠﯩﺸﯩﻤﯩﺰ، ﺑﻮﻟﺴﺎ ﺋﺎﻳﺪا ﺑﯩﺮەر ﻗﯧﺘﯩﻢ ﻛﺎرﺧﺎﻧﯩﭽﯩلار، ﻛﺎرﺧﺎﻧﺎ ﻗﻮرۇش ﻳﻮﻟﯩﻐﺎ ﻣﺎﯕﻐﯘﭼﯩلار ۋە ﺗﯩﺠﺎرەﺗﭽﯩﻠﻪر ﻳﯩﻐﯩﻠﯩﺸﯩﭗ، دﯨﻴﺎرﯨﻤﯩﺰ ﻣﯩﻠﻠﯩﻲ ﻛﺎرﺧﺎﻧﯩﻠﯩﺮﯨﻨﯩﯔ ﻛﻪﻟﮕﯜﺳﻰ ﺗﻪرەﻗﻘﯩﻴﺎﺗﻰ، دۇچ ﻛﯧﻠﯩﯟاﺗﻘﺎن ﻣﻪﺳﯩﻠﯩﻠﯩﺮى ﺗﻮﻏﺮﯨﺴﯩﺪا ﻣﯘﮬﺎﻛﯩﻤﯩﻠﻪرﻧﻰ ﺋﯧﻠﯩﭗ ﺑﺎرﺳﺎق ﻧﺎﮬﺎﻳﯩﺘﻰ ﻳﺎﺧﺸﻰ ﺑﻮلاﺗﺘﻰ.

دەرۋەﻗﻪ، روزاﺧﯘن ﺋﺎﺗﯘﺷﻨﯩﯔ رﯦﺌﺎل، ﻗﯩﺴﻘﺎ ﻣﯘﮬﺎﻛﯩﻤﯩﻠﯩﺮى ﻣﯧﻨﻰ ﺋﻮﻳلاﻧﺪۇرۇپ ﻗﻮﻳﺪى. ﻳﯘﻗﯩﺮﯨﻘﻰ ﻣﯘلاﮬﯩﺰﯨﻠﻪر ﻛﺎرﺧﺎﻧﯩﭽﯩلار ۋە ﻛﺎرﺧﺎﻧﺎ ﻗﯘرۇش ﻳﻮﻟﯩﻐﺎ ﻣﺎﯕﻐﺎن «ﺋﻪزﯨﻤﻪت»ﻟﯩﺮﯨﻤﯩﺰﮔﻪ ﺋﺎز ﺗﯘلا ﻧﻪپ ﺋﯧﻠﯩﭗ ﻛﻪﻟﺴﻪ ﺋﻪﺟﻪپ ﺋﻪﻣﻪس. ﺋﺎﺧﯩﺮﯨﺪا دﯨﻴﺎرﯨﻤﯩﺰدﯨﻜﻰ ﺑﺎرﻟﯩﻖ ﻛﺎرﺧﺎﻧﺎﺋﯩﮕﯩﻠﯩﺮى، ﺗﯩﺠﺎرەﺗﭽﯩﻠﻪر ۋە ﺋﯩﮕﯩﻠﯩﻚ ﺗﯩﻜﻠﻪش ﻳﻮﻟﯩﻐﺎ ﻣﺎﯕﻐﯘﭼﯩلارﻧﯩﯔﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺋﯩﺸﻠﯩﺮﯨﻨﯩﯔ ﺗﯧﺨﯩﻤﯘ ﺋﯘﺗﯘﻗﻠﯘق ﺑﻮﻟﯘﺷﯩﻐﺎ ﺗﯩﻠﻪﻛﺪاﺷﻤﻪن.