يېقىندا «يەرشارىدىكى قىممىتى ئەڭ يۇقىرى 100 داڭلىق ماركا» نىڭ رەت تەرتىپى ئېلان قىلىندى. جۇڭگو سودا – سانائەت بانكىسى بۇ يىلقى رەت تەرتىپىدە 11- ئورۇنغا تىزىلغان بولۇپ، بۇنىڭ ماركا قىممىتى 44 مىليارد 440 مىليون دوللارغا يېتىپ، يەرشارىدىكى پۇل مۇئامىلە كارخانلىرى ئىچىدە ئالدىنقى ئورۇندا تۇرغان. بۇ سودا – سانائەت بانكىسىنىڭ يەرشارىدىكى پۇل مۇئامىلە داڭلىق ماركا قىممىتى بويىچە ئۇدا ئۈچ يىل 1- ئورۇنغا تېزىلىشى ئىكەن.
ئىگىلىنىشچە، « يەرشارىدىكى قىممىتى ئەڭ يۇقىرى 100 داڭلىق ماركا» نى رەتكە تۇرغۇزۇشنى يەرشارىدىكى داڭلىق ئېلان تارقىتىش شىركىتى تەييارلاپ ئېلان قىلغان بولۇپ، داڭلىق ماركىنى ئىقتىسادىي قىممىتى؛ داڭلىق ماركىنىڭ تۆھپىسى يەنى داڭلىق ماركىنىڭ كارخانا پايدا يارىتىش ئىقتىدارى، تۆھپىسى؛ داڭلىق ماركىنىڭ ھەركەتلەندۈرگۈچ كۈچى، داڭلىق ماركا قىممىتىنىڭ يېقىنقى مەز گىلدىكى ئىقتىسادنىڭ ئېشىش ئىستىقبالىنى ئەكىس ئەتتۈرۈش قاتارلىق ئۈچ ھالقا بۇ داڭلىق ماركىنى رەتكە تۇرغۇزۇشتا ئاساس قىلىنغان.
ئىگىلىنىشچە، ھازىر سودا - سانائەت بانكىسى بەش چوڭ قىتئەنى قاپلىغان بولۇپ، تىجارەت ئۈنۈمى يۇقىرى مۇلازىمەت تورى شەكىللەندۈرگەن.


ئۈرۈمچى كەچلىك گېزىتىدىن ئېلىندى